Aqmola dárigerleri ústine kran qulaǵan dánekerleýshiniń jaǵdaıy týraly aıtty
KÓKShETAÝ. QazAqparat - Aqmola oblysynyń dárigerleri ústine kran qulap, zardap shekken dánekerleýshiniń jaǵdaıy týraly aıtty, dep habarlaıdy QazAqparat tilshisi.
Aqmola oblystyq densaýlyq saqtaý basqarmasy baspasóz qyzmetiniń málimetinshe, qańtardyń 22-sinde saǵat 16:00 ústine kran qulaǵan 45 jastaǵy er adam túrli dene jaraqatymen Stepnogor qalasynyń kópbeıindi aýrýhanasynyń travmatologııa bólimshesine jetkizildi. Dárigerlerdiń tekserýinen keıin zardap shegýshi jansaqtaý jáne ıntensıvti terapııa bólimine jatqyzyldy.
«Zardap shegýshiniń jaǵdaıy aýyr, turaqty, esin biledi. Qajetti em alýda», - deıdi dárigerler.
Aıta keteıik, osyǵan deıin Aqmola oblysynda jumysshylardyń ústine kran qulaǵan bolatyn. Osynyń saldarynan bir adam kóz jumyp, bir adam zardap shekti.
