Aqmola dárigerleri búırektegi tasty tilik jasamaı ala bastady
KÓKShETAÝ. QazAqparat - №2 Aqmola oblystyq aýrýhanasynyń ýrolog dárigerleri joǵary tehnologııalyq medıtsınalyq qyzmettiń taǵy bir túrin - perkýtandy (teri arqyly) nefrolıtotrıpsııany tabysty engizdi, dep habarlaıdy «QazAqparat» HAA tilshisi oblystyq densaýlyq saqtaý basqarmasynyń baspasóz qyzmetine silteme jasap.
Perkýtandy nefrolıtotrıpsııa búırektegi tasty alýdyń altyn standarty sanalady. Bul búırekten iri jáne marjandaı tasty alýdyń shaǵyn ınvazıvti eń tıimdi ári qaýipsiz tásili.
Bul ádistiń tıimdiligi sol - búırekten tasty alý beldiń tusynda tesikter tesý jáne tútikshe ótkizý arqyly jasalady, naýqastyń denesin tilý talap etilmeıdi.
Búgingi tańda №2 Aqmola oblystyq aýrýhananyń ýrologııa bólimshesinde joǵary tehnologııalyq medıtsınalyq qyzmetterdiń kelesi túrleri engizilgen: tolyq nefrektomııa, laparoskopııalyq plastıka nesep joly segmentiniń lohany, Polıtano letbettera
ádisi boıynsha modıfıtsıkatsııalanǵan ýreterotsıstoneostomııa, Blohın boıynsha qosymsha antıreflıýks mehanızmi, ýretrany qalpyna keltirý.
Sondaı-aq osy kúni atalǵan №2 Aqmola oblystyq aýrýhanasynda ýrolog dárigerler laparoskopııalyq nefrektomııa otasyn jasap jatyr.
Laparoskopııalyq nefrektomııa - bul búırektiń tiliksiz tolyq alynyp tastalýy.
Qazirgi ýaqytta laparoskopııalyq nefrektomııa búırekke jıi jasalatyn ota túri. Búırektiń bul jolmen tutas alynýyna sebepter óte kóp, onyń ishinde eń jıi kezdesetin sebepter - búırektiń isinýi, búırek fýnktsııasynyń tolyq buzylýy, sonyń saldarynan búırektiń aýyrsynýy jáne qabynýy.
№2 Aqmola oblystyq aýrýhanasynyń bazasyna engizilgen otanyń bul túri oblysta alǵash ret jasalyp otyr.
Otany aýrýhananyń joǵary sanatty ýrolog dárigerleri T.Muratov, E.Ysqakov, B.Qasymov, Ý.Japarov, A.Muhamejdanuly jasaıdy.
