«Aqmola barysyna» 1 mln teńge syıaqy berildi
«Aqmola barysy» chempıony ataǵyn kókshetaýlyq palýan Leonıd Staneev jeńip aldy. Ekinshi oryndy Bulandy aýdanynan kelgen Aldabergen Tolstoı ıelendi. Birjan sal aýdanynyń ókili Elýan Ospanov qola júldeger atandy», - dep habarlady oblystyq dene shynyqtyrý jáne sport basqarmasynyń baspasóz qyzmetinen.
Vedomstvodan atap ótkendeı, «Aqmola barysy» ataǵyna ıe bolǵan palýanǵa 1 mln teńge, ekinshi jáne úshinshi oryn alǵandarǵa 700 jáne 500 myń teńgeden aqshalaı syılyq berildi.
Aqmola oblysynyń úzdik eki palýany - Leonıd Staneev pen Aldabergen Tolstoı «Qazaqstan barysy» respýblıkalyq týrnırinde Aqmola oblysynyń namysyn qorǵaıtyn boldy.
Aqmola oblystyq dene shynyqtyrý jáne sport basqarmasy baspasóz qyzmetiniń málimetinshe, jarysqa oblystyń ər óńirinen kelgen 20 palýan qatysty. Olardyń arasynda áýesqoılarmen birge kásipqoılar da bar. Boz kilemge qazaq kúresimen aınalysyp júrgen palýandardan bólek, samboshylar, dzıýdoshylar, sondaı-aq erkin jáne grek-rım kúres sheberleri de shyqty.
Eske sala ketsek, Shymkentte grek-rım kúresinen Azııa chempıondaryna 1 mln teńgeden berilgen bolatyn.
