«Aqmola barysy» sambodan Əlem kýbogynda qola júldeger atandy
KÓKShETAÝ. QazAqparat - Aqmolalyq polıtsııa kapıtany Nurlan Jamalov sambodan Əlem kýbogy kezeńi úshin jarysta qola júldeger atandy, dep habarlaıdy "QazAqparat" HAA tilshisi.
Astana qalasynda "EKSPO-2017" kórmesi sheńberinde QR Prezıdenti Nursultan Nazarbaevtyń júldesi úshin sambodan Əlem kýbogy kezeńi ótti.
Jarysqa álemniń 20 elinen kelgen 200-den astam sportshy qatysty. Qazaqstan ulttyq quramasy sapynda bolǵan aqmolalyq Nurlan Jamalov 90 keli salmaqta Reseı jáne Grýzııa sportshylaryn alǵa jiberip, júldeli úshinshi orynnan kórindi.
Eske sala keteıik, Nurlan Jamalov 18 jasynan sportpen shuǵyldanyp keledi. Qaraǵandydaǵy B.Beısenov atyndaǵy ІІM zań ınstıtýtynyń túlegi 2006 jyldan beri ishki ister organdarynda qyzmet istep keledi.
Qazaq kúresinen, sambodan halyqaralyq dərejedegi sport sheberi. Qazaq kúresinen QR Halyq oıyndarynyń jeńimpazy (2011), qazaq kúresinen QR Spartakıadasynyń qola júldegeri (2011), qazaq kúresinen QR chempıonatynyń kúmis júldegeri (2008). Tórt dúrkin «Aqmola barysy» ataǵyn jeńip alǵan.
Sonymen qatar, Nurlan alda Ashhabad qalasynda ótetin Azııa oıyndarynda Qazaqstan respýblıkasynyń namysyn qorǵaıtyn bolady.
