Aqmola aýylynda qoı brýtsellezine baılanysty shekteý sharalary engizildi

KÓKShETAÝ. QazAqparat – Aqmola oblysy Astrahan aýdanynyń Petrovka aýylynda qoı brýtsellezine baılanysty shekteý sharalary engizildi, dep habarlaıdy QazAqparat tilshisi.

Aqmola oblysy veterınarııa basqarmasynyń basshysy Talǵat Júnisovtiń aıtýynsha, Petrovka aýylyndaǵy bir úıdegi 97 qoıdyń 23-i brýtsellezge oń nátıje kórsetse, taǵy 29 qoıy kúmándi.

«Qoıdan alynǵan synama PTR ádisimen anyqtaý kezinde oń nátıje kórsetti. Osyǵan baılanysty bıylǵy jylǵy 28 shildesinde ákim aýyl aýmaǵynda shekteý is - sharalaryn belgileý týraly sheshim qabyldady», - dedi Talǵat Júnisov.

Basqarma basshysy atap ótkendeı, shekteý sharalary barysynda sút satyp alynbaıdy jáne mal soıylmaıdy. Arý malmen respýblıkalyq epızootııaǵa qarsy jasaq (RPO) aınalyspaqshy, sonymen birge veterınarlyq ınspektsııanyń baqylaýymen saýyqtyrý is-sharalary ótkiziletin bolady. Ár 15 kún saıyn olar janýarlardan qan alyp, aýyldaǵy barlyq maldy tekseretin bolady.

Aıta ketsek, budan buryn Aqmola oblysynda et ónimderiniń 12 paıyzy sapasyz ekeni anyqtalǵan edi.