Aqmola aýyly týraly fılm halyqaralyq baıqaýda úzdik atandy
KÓKShETAÝ. QazAqparat - Óńirlik «KOKSHE» telearnasy «TEFI-Dostastyq-2018» syılyǵynyń ıegeri atandy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
«Qazaqstan» RTRK» AQ Aqmola oblystyq fılıaly «KOKSHE» telearnasy tuńǵysh ret Ózbekstan Respýblıkasynda ótken «TEFI-Dostastyq-2018» televızııalyq festıvaliniń syılyǵyna ıe boldy.
«Aqmolalyq telejýrnalıster Tselınograd aýdanyndaǵy «Rodına» agrofrımasy» kásiporny ornalasqan Rodına aýyly týraly túsirigen kórkem fılmdi festıvalge joldaǵan. Sharýashylyqtyń basshysy, talantty uıymdastyrýshysy Ivan Saýer keńes úkimeti qulaǵan ótpeli kezeńniń aýyr jyldarynda sharýashylyqty shashaý shyǵarmaı, tehnıkany da, maldy da aman saqtap qana qoımaı elimizdegi úlgi eldi mekenge aınaldyra bildi. Munda ozyq tehnologııa boıynsha sút ónimi óndiriledi, jumysshalar men aýyl turǵyndarynyń ómir súrýine barlyq jaǵdaı jasalǵan», - dep túsindirdi vedomstvodan.
«Rodıtsıa, byt ýspeshnym» kórkem fılmniń avtory óńirlik «KOKSHE» telearnasynyń redaktory ıÝrıı Oberdıenkonyń aıtýynsha, bul jeńis bir ǵana adamnyń emes, búkil ujymnyń bir jaǵadan bas, bir jeńnen qol shyǵaryp jasaǵan eńbeginiń arqasy. Sonymen qatar, jumyssyzdyq pen qylmys múldem joq osy aýyldy qurǵan tanymal kásipker Ivan Saýerdiń telejobaǵa basty keıipker retinde tańdap alynýy mańyzdy.
Aıta ketý kerek, jyl saıyn TMD elderi jáne sheteldik televızııalyq kompanııalar arasynda ótkiziletin halyqaralyq baıqaý bıyl tuńǵysh ret Tashkent qalasynda uıymdastyryldy.
Baıqaýǵa 12 elden 13 jumys iriktelip alynǵan. Júldege aqmolalyq telejýrnalıstermen birge, Ázerbaıjan, Armenııa, Belarýs, Qyrǵyzstan, Moldava elderi jáne Reseıdiń «Birinshi arnasynan» usynylǵan shyǵarmashylyq jumystar ıe boldy.
