«Aqmola-Astyq» kontserniniń burynǵy vıtse-prezıdenti Ryskeldi Jaqsybekov 85-ke qaraǵan jasynda ómirden ozdy

Qazaqstan fýtbol federatsııasynyń ujymy QR Qorǵanys mınıstri, QFF-nyń prezıdenti Ádilbek Jaqsybekovke ákesiniń qaıtys bolýyna oraı kóńil aıtti.

Jaqsybekov Ryskeldi Dáýrenbekuly 1928 jyly 15 jeltoqsanda Qostanaı oblysynyń Qarabalyq aýdanyna qarasty Tastyózek aýylynda dúnıege keldi.

Keńes Áskeri qataryndaǵy qyzmetinen keıin 1954 jyldan bastap mádenıet salasynda jumys istedi, olardyń ishinde 25 jyl boıy Tselınograd oblystyq kınofıkatsııa basqarmasyn basqardy.

1974, 1975 jáne 1981 jyldardyń jumys qorytyndylary boıynsha Ryskeldi Jaqsybekov KSRO-nyń sotsıalıstik jarysynyń jeńimpazy boldy, 1982, 1985, 1987 jyldary oblystyq eńbekshi halyq depýtattary keńesiniń depýtaty bolyp saılandy.

Oblystyq partııa konferentsııasynyń delegaty bolyp saılanyp, Qazaqstan KP OK-niń birqatar sezderiniń jumysyna qatysty.

Ol oblys pen eldiń ekonomıkalyq jáne mádenı salasyn damytýǵa eleýli úles qosty, dostary men áriptesteriniń ortasynda úlken qurmetke ıe boldy.

Ryskeldi Dáýrenbekulynyń eńbegi KSRO men Qazaqstan Respýblıkasynyń kóptegen memlekettik jáne vedomstvolyq syılyqtarymen atap ótildi.

Eńbek demalysyna shyqqan soń ol qoǵamdyq jumyspen aınalysyp, Qazaqstan Respýblıkasy ardagerler uıymy Ortalyq Keńesi prezıdıýmynyń múshesi boldy.