Aqmola áleýmettik-ekonomıkalyq damýdyń basty kórsetkishterine qol jetkizdi

KÓKShETAÝ. QazAqparat - Aqmola oblysy áleýmettik-ekonomıkalyq damýdyń basty bes kórsetkishine qol jetkizdi, dep habarlaıdy QazAqparat tilshisi.

Oblystyq ekonomıka jáne bıýdjettik josparlaý basqarmasynyń basshysy Qanat Dúzelbaevtyń aıtýynsha, ekonomıkanyń mańyzdy salasy óńirdiń agroónerkásip sektorynda ósim qamtamasyz etildi.

Osynyń araqasynda ósimdik sharýashylyǵy ósimi 27 paıyzǵa, et óndirisi 6,1 paıyzǵa, sút óndirisi 1,6 paıyzǵa artyp, respýblıka boıynsha óńir aýyl sharýashylyǵy salasynda óndiris kóleminen birinshi orynǵa shyqty.

Pandemııa jaǵdaıyna qaramastan óńirdegi kásiporyndar jumysyn toqtatqan joq. Osynyń nátıjesinde toǵyz aıda ónerkásip salasynda óndiris kólemi 6,8 paıyzǵa ósip, 695 mıllıard teńgeni qurady. Bul - respýblıka boıynsha ekinshi oryn.

Vedomstvonyń málimetinshe, ónerkásip salasynyń 80 paıyzdan astamyn quraıtyn óńdeýshi salalary metallýrgııa, mashınaqurylysy, taǵam ónerkásibinde jyl basynan beri 8,8 paıyz ósim boldy.

Sonymen birge, óńirde negizgi kapıtalǵa salynǵan ınfestıtsııa boıynsha oń dınamıka qalyptasyp, respýblıka boıynsha 3-orynnan kórindi.

«Oblys ekonomıkasyna shamamen 297,6 mıllıard teńge ınvestıtsııa salyndy. Bul - ótken jylmen salystyrǵanda 23 paıyz joǵary. Sondaı-aq, ınvestor tartý arqyly «KB Interpraızıs» JShS qýaty 100 MVt bolatyn kún elektr stansasynyń, «Makınsk qus fabrıkasy» JShS qus fabrıkasynyń ekinshi kezeńiniń, «Vıchı» jáne «Golden Energy Corp» JShS jel elektr stansalarynyń qurylysy bar.

Memlekettik baǵdarlamalardy júzege asyrýdyń nátıjesinde óńirde 417,7 myń sharshy metr baspana paıdalanýǵa berildi. Qurylys kólemi 104 mıllıard teńgeni qurady.

20 822 myń jańa jumys orny ashylsa, onyń 12 483 - turaqty.