Aqmola ákimi elordalyqtarǵa óńir ónimderin tanystyrdy
«AQMOL» - Astana turǵyndaryn sapaly jáne qoljetimdi baǵadaǵy taýarlarmen qamtamasyz etý maqsatynda qurylǵan saýda jelisi. Qala boıynsha búginde 4 shaǵyn market jumys isteıdi, 5-shi saýda núktesin óńir ákimi ózi tanystyrdy.
«Azyq-túlik dúkeninde halyq kóp tutynatyn taýarlardyń barlyq túri bar, onyń basym bóligi ózimizde óndiriledi. Bizdiń maqsat - elorda halqyn jergilikti taýarlarmen qamtamasyz etý. Atalǵan bastamany qala ákimdigi qoldap, alǵash dúkendi ótken jyly ashqan bolatynbyz. «AQMOL» taýar ónimderi Astana naryǵynan 10-15% arzan baǵamen satylýda», - dedi Málik Myrzalın.
Tanystyrylym barysynda ol astanalyqtar arasynda Aqmolanyń eti, Kókteshaýdyń sary maıy men balmuzdaǵy jáne Jaqsy aýdanynan shyǵatyn irimshiktiń joǵary suranysqa ıe ekenin aıtyp ótti.
Qala boıynsha búginde 5 saýda núktesi ashylǵan, onda 40-qa jýyq adam jumys isteıdi.
Buǵan deıin biz «AQMOL» saýda jelisiniń kezekti dúkeni ashylǵanyn habarlaǵan bolatynbyz.
