Aqmola ákimi elorda irgesindegi eldi mekenderdiń damýyna qatysty túsinik berdi
ASTANA. QazAqparat - Aqmola oblysynyń ákimi M.Myrzalın Astanaǵa jaqyn ornalasqan eldi mekenderdiń damýyna qatysty túsinik berdi, dep habarlaıdy QazAqparat tilshisi.
«Astana mańyndaǵy eldi mekenderge qatysty máseleler jıi kóteriledi jáne ol únemi nazarymyzda. Tek qana bıyldyń ózinde elorda irgesindegi eldi mekenderge 9,5 mlrd qarjy bólindi. Ol qarajatqa mektep, aýrýhana jáne turǵyndardyń jıi suraıtyn jol qurylysy salynýda. Keler jylǵa Tselınograd aýdanynyń jol jóndeý qurylysynyń ózine 4 mlrd teńge qarjy bólinýde, bul qarajat jol máselesin sheshýge tolyǵymen jetkilikti. Atqarylǵan jumystarǵa kelsek, 2017 jyly Qosshyda uzyndyǵy 11 myń shaqyrymdy quraıtyn jol jóndeýden ótti, bıylǵy jyly 50 myń shaqyrym jol jóndeldi», - dedi Málik Myrzalın.
Sonymen qatar, óńir basshysy 2019 jyly Qosshy turǵyndarynyń 4\3 ortalyqtandyrylǵan sý qubyryna qosylatynyn, osy jyldyń sońyna deıin oıyn saýyq ortalyǵynyń ashylatynyn jáne 2019 jyly 150 oryndyq emhana qurylysynyń bastalatynyn aıtty.
«Taǵy bir jıi qozǵalatyn taqyryp ol mektep - ótken jyly Qosshyda 200 oryndyq mektep ashyldy, al osy jyly 611 oryndyq mektep ashyldy. 2019-2020 jyldary Astana mańyndaǵy eldi mekenderde taǵy 2 mektep salyný josparlanýda. Sonymen úsh aýysymdy mektepter problemasy sheshiledi», - dedi ol.
Buǵan deıin habarlaǵanymyzdaı, búgin Aqmola oblysynyń ákimi Málik Myrzalın 2018 jyldyń 9 aıdaǵy aımaqtyń áleýmettik-ekonomıkalyq damýy týraly baıandaǵan bolatyn. https://kaz.inform.kz/news/akmolada-biznestin-zhol-kartasy-boyynsha-15-myn-zhumys-orny-ashyldy_a3444506
