Aqmola ákimdigi «QazAvtoJol» UK-men birlesip 22 jobany júzege asyrmaq
KÓKShETAÝ. QazAqparat - Aqmola oblysynyń ákimdigi men «QazAvtoJol» UK jol boıyndaǵy qyzmet kórsetý sapasyn arttyrýda birlesip jumys isteýge kelisti. Bul týraly aımaq basshysy Málik Myrzalınniń «QazAvtoJol» UK» basqarma basshysy Ermek Qızatovty qabyldaýynda aıtyldy, dep habarlaıdy QazAqparat tilshisi ákimdiktiń baspasóz qyzmetine silteme jasap.
Kezdesýde týrıstik maýsymǵa daıyndyq maqsatynda jol boıyndaǵy servısti damytý baǵytynda týyndaǵan máseleler talqylandy.
Kezdesýde aımaq basshysy «QazAvtoJol» UK» óńirde atqarǵan jumystaryna oń baǵa berip, aldaǵy ýaqytta jol boıyndaǵy qyzmet kórsetý sapasyn arttyrý maqsatynda birlesip jumys isteýge daıyn ekenin jetkizdi.
«Şýchınsk-Býrabaı kýrorttyq aımaǵynda, oblys ortalyǵynyń kire-berisinde, Kókshetaý-Zerendi, Kókshetaý-Rýzaevka baǵyttarynda júrgizip jatqan jóndeý jumystaryna oblys turǵyndary tarapynan ońtaıly pikirler túsip jatyr. Bul jumystar árıne aımaqtyń týrıstik áleýetin arttyrýǵa septigin tıgizetini sózsiz. Endi, jol boıyndaǵy qyzmet sapasyn arttyrýǵa den qoıý qajet»,- dedi M. Myrzalın.
Óz kezeginde, E. Qızatov ótken jyldan bastap «QazAvtoJol» ulttyq kompanııasy jol boıyndaǵy servıstik qyzmet kórsetý sapasyn arttyrý baǵytynda birshama jumystar jasalǵanyn baıandady.
Atap óteý kerek, Aqmola oblysynyń ákimdigi men «QazAvtoJol» UK» birlesip, jol boıyndaǵy servısti damytý maqsatynda Astana-Býrabaı trassasy boıynda 3 jobany júzege asyrýda. Taǵy eki joba Arshaly jáne Torǵaı eldi mekenderinde iske qosylady. ıAǵnı bul servısterde táýlik boıy jumys isteıtin ashana, qonaq úı, avtoturaq bolady.
Kezdesýde taraptar, kelesi týrıstik maýysym aldynda Aqmola oblysy aýmaǵynda 9 modýldik pavılon ornalastyrý týraly ózara kelisimge keldi. ıAǵnı bul keshenderdiń tórteýi Astana-Býrabaı tas joly boıynda, ekeýi Şýchınsk-Býrabaı kýrorttyq aýmaǵynda qoıylatyn bolady. Qalǵany, ózge respýblıkalyq mańyzy bar tas joldar boıynda ornalastyrylady.
Jalpy, oblys ákimdigi men «QazAvtoJol» UK» birlesip aımaqta jol boıynda servıstik qyzmet kórsetetin 22 jobany júzege asyrýdy kózdep otyr.
