«Ákimnen taıaq jedim»: Almaty oblysynda aýyl ákimine qatysty qyzmettik tergeý bastaldy
QONAEV. KAZINFORM – Aýyl turǵynana qarsy kúsh qoldanyp, memlekettik qyzmetshiniń Ádep kodeksin buzdy dep aıyptalǵan Almaty oblysy Talǵar aýdany Tuzdybastaý aýyldyq okrýgi ákimine qatysty qyzmettik tergeý bastaldy.
Bul týraly aqparat áleýmettik jelide tarady.
Óńir ákimdigi jaǵdaıǵa qatysty túsinik berdi.
«Turǵyndardyń biri bekitilgen aýyldyq okrýgtiń Bas josparyna qatysty narazylyǵyn bildirgen. Onyń jer ýchaskesi qyzyl syzyqpen ótetini belgili bolǵan. Osyǵan baılanysty turǵyn men aýyldyq okrýg ákiminiń arasynda janjal shyqqan. Qazir Tuzdybastaý aýyldyq okrýginiń ákimine qatysty Talǵar aýdanynyń ákimdigi men Talǵar aýdanynyń polıtsııa basqarmasy tarapynan qyzmettik tergeý júrgizýde. Ákimniń kinási rastalǵan jaǵdaıda onyń jaýapkershiligi Qazaqstan Respýblıkasy Memlekettik qyzmet isteri agenttiginiń Almaty oblysyndaǵy Ádep jónindegi keńesinde qaralady», - dep habarlady oblystyq ákimdikten.
Sonymen qatar, túsindirý jumystaryn júrgizý maqsatynda joǵaryda atalǵan turǵyn 23 shildede aýdan ákimi apparatynyń basshysyna qabyldaýyna barady.
«Tuzdybastaý aýyldyq okrýginiń ákimdigi turǵyndardyń problemalyq máselelerin sheshý boıynsha jumysty ári qaraı jalǵastyryp jatyr. Barlyq memlekettik qyzmetshilerdi Qazaqstan Respýblıkasy memlekettik qyzmetshileriniń Ádep kodeksiniń talaptaryn oryndaýǵa shaqyramyz»,- dep atap ótti ákmidikten.
