Aqmeshit taý shatqalynan eki jigit qutqaryldy
ShYMKENT. QazAqparat - Ońtústik Qazaqstan oblysynda tótenshe jaǵdaılar qyzmetkerleri taýǵa serýenge shyǵyp, ózdiginen túse almaǵan eki jigitti qutqardy, dep habarlaıdy QazAqparat tilshisi.
Oblystyq tótenshe jaǵdaılar qyzmetkerleriniń málimetinshe, qutqarý týraly habarlama 12 mamyrda keshki saǵat 20:30-da túsken. Onda 20 jáne 20 jastaǵy turǵyndar Tólebı aýdanyndaǵy Aqmeshit taý shatqalyna shyǵyp, qarańǵy túskende qaıta túse almaǵandyǵy aıtylǵan. Oqıǵa ornyna shuǵyl quramynda 5 adamy bar jedel-qutqarý jasaǵy men 1 tehnıka jiberildi. Іzdestirý jumystary saǵat 23.00-ge deıin júrgizilip, qarańǵy túskende izdeý sharalary toqtatyldy. Tańerteń saǵat 05.15-te izdestirý toby balalarmen baılanysty ornatyp, saǵat 07.25-te olardyń qaı jerde ekenin anyqtaldy. Taýdan túsirý jumystary júrgizilip, saǵat 08.53-te stýdentter shatqaldyń aman-esep túsirildi. Qutqarylǵandardyń ekeýiniń de densaýlyǵy qanaǵattanarlyq jaǵdaıda. Tótenshe jaǵdaılar qyzmetkerleri qutqarý jumystarynyń bes saǵattan asa júrgizilip, qulamaly eńisterden kúrdeli bolǵandyǵyn aıtady. 
«Bizdiń mamandardyń aýyr jaǵdaıda qalǵan týrısterge kómek kórsetýge jáne osyǵan uqsas jumystardy júrgizý úshin qajetti daıyndyǵy men avarııalyq-qutqarý jabdyqtary bar. Jyldyń basynan taýly aımaqtarda 2 izdestirý-qutqarý jumystary júrgizilip, 4 adam qutqaryldy. Onyń ishinde ekeýi - kámeletke jetpegen jasóspirimder», - deıdi qutqarý bólimshesiniń basshysy Pavel Vıshenın.
