Ákimdikter talapkerlerge 2 myńǵa jýyq grant bóldi

ASTANA. KAZINFORM — 2025-2026 oqý jylyna jergilikti atqarýshy organdardan konkýrstyq negizde memlekettik bilim berý grantyna ótinishterdi qabyldaý bastaldy. Ákimdikter jyl saıyn basym mamandyqtar boıynsha nysanaly daıarlyqqa granttar bóledi. Bul týraly Ǵylym jáne joǵary bilim mınıstrligi málim etti. 

Vedomstvonyń málimetinshe, bıyl jergilikti atqarýshy organdar 1544 bilim berý granttaryn bólgen.

Atap ótetin bolsaq, 526 grantty elorda ákimdigi bólip otyr. Bul – ákimdikter arasyndaǵy eń úlken kórsetkish. Odan keıingi orynda Shyǵys Qazaqstan oblysy – 299 grant, Shymkent qalasy – 285, Atyraý – 265, Abaı oblysy – 200, Túrkistan – 180, Batys Qazaqstan oblysy – 128 grant, Mańǵystaý oblysy – 108 grant, qalǵan aımaqtar 100-den az grant bólgen.

– Bilim berý grantyn taǵaıyndaý konkýrsyna qatysý úshin úmitker joǵary oqý oryndarynyń qabyldaý komıssııasyna ótinish berý qajet. Sondaı-aq JOO-ǵa bilimi týraly qujat, UBT sertıfıkatyn, jeke basyn kýálandyratyn qujattyń kóshirmesin, jeńildik sanatyn rastaıtyn qujattardy (bar bolǵan jaǵdaıda) tapsyrady, – delingen habarlamada.

Qujattardy qabyldaý merzimi týraly aqparatty ákimdikterden, sondaı-aq joǵary oqý oryndarynyń qabyldaý komıssııalarynan alýǵa bolady. Grant berý týraly sheshimdi ákimdik janynan qurylǵan arnaıy komıssııa qabyldaıdy. Joǵary oqý oryndaryna qabyldaý 25 tamyzda aıaqtalady.

Buǵan deıin habarlanǵandaı, jergilikti granttarǵa qujat qabyldaý 15 tamyzǵa deıin jalǵasady.