Ákimdikter kelesi jyldan bastap quny 14,7 mln teńgeden aspaıtyn qyzmetterdi bir kózden satyp alady
ASTANA. KAZINFORM – Ákimdikter kelesi jyldan bastap quny 14,7 mln teńgeden aspaıtyn taýarlar men qyzmetterdi bir kózden satyp alady. Bul týraly Qarjy vıtse-mınıstri Dáýren Keıbeıil aıtty.
2025 jyly «Memlekettik satyp alý týraly» jańa zań kúshine enedi. Vıtse-mınıstr atalmysh zańda bir kózden satyp alý protsedýralaryn retteıtin normalar bar ekenin aıtady.
«Zańmen 100 aılyq eseptik kórsetkishke (369 200 teńge – red.) deıingi taýarlardy, 500 aılyq eseptik kórsetkishke deıingi (1 mln 846 myń teńge – red.) jumystar men kórsetiletin qyzmetterdi bir kózden satyp alý kózdelgen.
Sonymen qatar, aýyldyq ákimshilikter úshin 4000 aılyq eseptik kórsetkishke deıingi (14 mln 768 myń teńge – red.) taýarlardy, jumystar men qyzmetterdi bir kózden alý múmkindigi berilip otyr», - dedi ol ortalyq kommýnıkatsııalar qyzmetinde ótken baspasóz máslıhatynda.
Aıtýynsha, jańa zań kúshine engennen keıin konkýrsqa (aýktsıonǵa) qatysýǵa biliktilik talaptaryna saı keletin bir ótinim usynylsa, konkýrs (aýktsıon) ótkizildi dep tanylmaq.
