Ákimdikter ınfraqurylymdy jańartýda júıeli jumystarǵa kirisýi kerek – depýtat

Májilis depýtaty Edil Jańbyrshın kommýnaldyq apat bolǵan óńirlerdegi ınfraqurylymǵa qatysty pikir bildirdi, dep habarlaıdy Kazinform. 

Májilis depýtaty Edil Jańbyrshın kommýnaldyq apat bolǵan óńirlerdegi ınfraqurylymǵa qatysty pikir bildirdi, dep habarlaıdy Kazinform.

«Ony tekseretin mınıstrlikte arnaıy komıtet bar. Jalpy, jergilikti ákimdikter jylý berý maýsymyna daıyn ekenin jarııalaǵan edi. Alaıda búkil ınfraqurylym tozǵanyn eskersek, jylý berý júıesinde problema bar. Aldyn ala sonyń bárine aýdıt júrgizip, tekserip, tıisti jospar quryp, tozǵan ýchaskelerdiń barlyǵyn jóndeý kerek edi», - dedi E.Jańbyrshın Kazinform tilshisine bergen suhbatynda.

Bul turǵyda ol qys kezinde jylý beri júıesindegi kemshilikter saldarynan turǵyndar qaıtadan qıyndyqqa tap bolǵanyn aıtty.

«Sondyqtan jergilikti bılik aldyn ala sol ınfraqurylymdy jańartý jóninde júıeli jumystarǵa kirisýi kerek. Tek osyndaı naqty qadamdar nátıjesinde ǵana apattar bolmaıdy», - dedi depýtat.

Aıta keteıik, kesheli beri elimizdiń birneshe óńiri jylýsyz, sýsyz qaldy. Energetıka mınıstrligi men jergilikti organdar máseleni tolyq ári tez sheshýdiń amalyn qarastyryp jatyr. 

Qasym-Jomart Toqaevqa Atyraý, Qaraǵandy, Pavlodar, Mańǵystaý oblystarynyń ákimderi aımaq turǵyndaryn jylýmen jáne sýmen qamtamasyz etý máselesi jóninde esep berdi. 

Prezıdent apat bolǵan ýchaskelerdegi jaǵdaıdy shuǵyl rettep, halyqty jylýmen jáne sýmen qamtý isin tez arada qalpyna keltirýdi jáne barlyq eldi mekendegi kommýnaldyq jelilerdiń úzdiksiz jumysyn jolǵa qoıýdy talap etti.