Ákimdik tizimdi jańartyp úlgermegen: BQO-da 5 balaǵa ıis tıgen úıde dabyl qurylǵysy nege joq
ASTANA. KAZINFORM — Tótenshe jaǵdaılar mınıstrligi Órtke qarsy qyzmet komıteti tóraǵasynyń orynbasary Qanat Dospaev Batys Qazaqstan oblysynda 5 balanyń ómirin jalmaǵan órttiń sebepteri áli anyqtalmaǵanyn málim etti.
— Bul oqıǵa boıynsha qylmystyq is qozǵalyp, órttiń sebepteri zerdelenip jatyr. Qazir aldyn ala sebepterin aıtý múmkin emes. Óıtkeni birneshe nusqa qaralyp otyr. Jaz mezgili bolǵandyqtan órt úıdegi pesh aqaýynan boldy deıtindeı nusqa joq ekenin ǵana aıta alamyn, — dedi Qanat Dospaev órtpen kúres maýsymynyń barysy týraly baspasóz máslıhatynda.
Sondaı-aq, ol qaıǵyly oqıǵa bolǵan úıge nege órtke qarsy dabyl datchıgi ornatylmaǵanyn túsindirdi.
— Ol otbasy týraly aıtsaq, 2024 jyldyń 15 qazanynan beri jaldamaly páterde turǵan. Oǵan deıin da osy Syrym aýdanyndaǵy Jympıty aýylynda turyp kelgen. Biraq ol kezdegi mekenjaıy basqa bolatyn. Olarmen 2024 jyldyń 14 qyrkúıeginde órttiń aldyn alý baǵytyndaǵy jumystar júrgizip, órtke qarsy dabyl datchıgi ornatylǵan bolatyn. Al sońǵy mekenjaıda datchık bolmaǵan. Biz túsindirý jumystaryn júrgizgennen keıin bir aı ótkende basqa mekenjaıǵa kóship ketip otyr, — dedi komıtet basshysynyń orynbasary.
Al TJM Órtke qarsy qyzmet komıtetiniń bas mamany Aspandııar Saparǵalıev bul otbasynyń jańa qonysynda datchıktiń ornatylmaýyna tizimniń jańartylyp úlgermeýi sebepker bolǵanyn aıtty.
— Az qamtylǵan otbasylardyń tizimi jergilikti organdarmen birlesip jasalady. Jergilikti ákimdikter tizim usynǵan boıda kórsetilgen mekenjaıdyń bárine datchık ornatylady. Otbasy ol mekenjaıdan kóship ketken jaǵdaıda ol úıdi datchıkpen jabdyqtaý máselesi kelesi jylǵa qalady. ıAǵnı kelesi jyly jańartylǵan kestemen qaıta bir túgendeý sharasy júrgizilip, datchık joq úılerge qaıta ornatylady. ıAǵnı, tizim jylyna bir ret jańartylyp otyrady, — dedi Aspandııar Saparǵalıev.
Buǵan deıin atalǵan qaıǵyly oqıǵaǵa baılanysty qylmystyq is qozǵalǵanyn jazǵan edik.