Ákimdik Astanada jaryqtyń apatty óshýine qatysty túsinikteme berdi

ASTANA. KAZINFORM — Astana ákimdigi qaladaǵy Turan qosalqy stantsııasyndaǵy uıashyqtardyń apatty jaǵdaıda óshirilýine qatysty túsinikteme berip, jóndeý jumystary áli jalǵasyp jatqanyn málim etti.

Túngi ýaqyttan beri jedel apattyq brıgadalar RP-217 nysanyndaǵy elektrmen jabdyqtaýdy qalpyna keltirý jumysyn júrgizip jatyr. Oqıǵa ornyna jedel qyzmettiń úsh brıgadasy, Esil aýdandyq elektr jelileri qyzmetiniń mamandary, synaq jáne dıagnostıka qyzmeti, sondaı-aq kabel jelileri qyzmetiniń mamandary dereý jetti. Úıdiń ortaq qajettilikterin eń tómengi deńgeıde qamtamasyz etý úshin dızeldi-generatorly qondyrǵylar qosyldy.

2025 jyldyń 22 qarashasy kúni saǵat 01:06–da «Turan» qosalqy stantsııasynda tehnologııalyq aqaý bolyp, RP-217-ge energııa beretin № 106 jáne № 210 uıashyqtary ajyratyldy.

— Shekteý aımaǵynda jeti turǵyn úı kesheniniń tutynýshylary bar. Elektrmen jabdyqtaýdy qalpyna keltirý jumysy jalǵasyp jatyr, — dep atap ótti vedomstvo.

Buǵan deıin Astanada birneshe turǵyn úı jaryqsyz qalǵanyn jazǵan edik.