Ákimder men mınıstrlerdiń múgedek jandar boıynsha keńesshisi bolýy múmkin

ASTANA. KAZINFORM – Premer-mınıstr Oljas Bektenov ákimder men mınıstrlerge múgedek jandardyń máselesin sheship, jaǵdaı jasaýda shtattan tys keńesshimen jumys isteý ıdeıasyn usyndy.

«Búginde Eńbek jáne halyqty áleýmettik qorǵaý mınıstri men Almaty qalasynyń ákimi múgedektigi bar shtattan tys keńesshimen jumys isteıdi. Keńesshi osy sanattaǵy azamattardyń problemalaryn sheshýge kómektesedi. Bul tájirıbeni barlyq óńir men quzyrly memlekettik organdar paıdalanýǵa tıis. Áleýmettik saıasattyń jańa standarttaryn jasaý men ilgeriletý jumysyn jalǵastyrý qajet», - dedi Oljas Bektenov Úkimet otyrysynda.

Aıta keteıik, Premer-mınıstr elimizdegi múgedek jandar úshin jasalyp jatqan jumystardy mardymsyz dep baǵalady.

Sondaı-aq, jyl basynan beri múgedek jandardan 16 myńnan astam aryz-shaǵym túsken.