«Ákimder mektebinde» aýyl jáne aýdan basshylaryna ne úıretiledi

ASTANA. KAZINFORM – QR Premer-mınıstriniń orynbasary Qanat Bozymbaev búgin bastalǵan «Ákimder mektebi» jobasy aıasynda saılanǵan aýyl jáne aýdan basshylary qalaı oqytylatynyn aıtty.

 Елімізде апта ішінде болған кадрлық тағайындаулар
Фото: freepik.com

— Baǵdarlama ákimderdi aýyl ekonomıkasynyń damýyna áser etetin negizgi faktorlardy aıqyndaýǵa úıretedi. Sondaı-aq ákimder aýyldyq eldi mekenderdi damytý joldaryn belgileýdi, basym baǵyttar boıynsha kooperatsııalyq jobalar men ekonomıkalyq damý baǵdarlamalaryn ázirleýdi meńgeredi.

Sonymen qatar, ákimder jergilikti ózin-ózi basqarý protsesterine azamattardy tartý ádisterin úırenedi. Oǵan jergilikti qaýymdastyqpen ózara is-qımyl jasaý jáne birlesken jumys uıymdastyrý tásilderi kiredi. 

Ákimder óz aýyldarynyń ekonomıkalyq baǵyttaryn anyqtaýdy, sondaı-aq ónim óndirýden bastap, ony sertıfıkattaý men satýǵa deıingi tikeleı tizbekti qurýdy úırenedi, - dedi ol. 

Sondaı-aq QR Premer-mınıstriniń orynbasary bul baǵdarlama aýyldyq aımaqtardyń damýyna jańa serpin berip, halyqtyń ómir súrý deńgeıin kóterýge yqpal etetinin aıtty. 

Eske salsaq, elimizde aýyldyq okrýgterdiń 95%-da ákim saılandy. 2021 jylǵy shildeden 2024 jylǵy jeltoqsanǵa deıingi kezeńde 2176 aýyldyq okrýgte 2 566 ákim saılandy. 

Búgin elimizde saılanǵan aýyl jáne aýdan basshylaryn oqytý bastaldy.

Memleket basshysy buǵan deıin «Ákimder mektebi» jobasyn iske qosýdy tapsyrǵan edi. 

Sondaı-aq «Ákimder mektebi» jobasy 2 400-den astam aýdandyq jáne aýyldyq okrýg ákimderin qamtıtynyn jazǵan edik. 

Сейчас читают