Aqmaral Naýatbek paradzıýdodan Azııa chempıonatynda «kúmis» aldy

ASTANA. QazAqparat - Aqmaral Naýatbek paradzıýdodan Azııa chempıonatynda Qazaqstan qorjynyna medal alyp keldi, dep habarlaıdy QazAqparat Qazaqstan paradzıýdo federatsııasynyń baspasóz qyzmetine silteme jasap.

48 kelige deıingi salmaqtaǵy A.Naýatbek J2 (kózi nashar kóretinder) sanatynda kúmis medal jeńip aldy.

«Búgin Azııa chempıonatynda kúmis júldege ıe boldym. Maqsat – óz elimizde ótip jatqan álemdik jarysta «altyn» alyp, Ánuranymyzdy shyrqatý bolatyn. Ókinishke qaraı, óz qateligimnen qolda bar «altynnan» aıyrylyp qaldym. Maǵan úmit artqan barsha jankúıerden keshirim suraımyn.

Bul meniń álem chempıony retinde qatysqan alǵashqy jarysym edi. Osy qateligimnen sabaq alyp, kelesi jarysqa aıanbaı eńbek etemin.

Dzıýdodaǵy basty maqsatym – Paralımpıada oıyndary. Bar kúsh-jigerimdi osy maqsatymdy baǵyndyrýǵa jumsaımyn», - deıdi Aqmaral Naýatbek.

Aıta keterligi, osy salmaq dárejesinde ózbekstandyq Lobar Hýrromova jeńimpaz atansa, Kokıla (Úndistan) men ıÝı Fýjıýara (Japonııa) qola júldeni ózara bólisti.

Azııa chempıonaty Astana qalasyndaǵy Jaqsylyq Úshkempirov atyndaǵy jekpe-jek saraıynda ótip jatyr. Jarys 30 sáýirge deıin jalǵasady.