Aqmaral Erekesheva kórkem gımnastıkadan jasópirimder arasynda álem chempıony atandy

ASTANA. KAZINFORM - Qazaqstandyq Aqmaral Erekesheva Bolgarııa astanasy Sofııa qalasynda ótip jatqan kórkem gımnastıkadan jasóspirimder arasyndaǵy álem chempıonatynda altyn medal aldy.

Otandasymyz úsh birdeı fınalǵa birinshi orynmen joldama alyp, onyń ekeýinde júldege ıe boldy.

Doppen kórsetken óneri úshin Aqmaral 26.150 upaı jınap, álem chempıony atansa, shyǵyrshyqtaǵy jattyǵýda 26.950 upaımen kúmis medal jeńip aldy.

Aıta ketsek, ol endi taspamen saıysta medaldy sarapqa salatynyn jazǵan bolatynbyz.

Sondaı-aq el quramasynan Aıǵanym Rysbek urshyqtarmen jattyǵý fınalyna qatysady.

Eske sala keteıik, budan buryn kazaqstandyq jastar kórkem gımnastıkadan Azııa chempıonatynda 7 medal aldy.