Aqmaral Erekesheva kórkem gımnastıkadan ekinshi márte jasóspirimder arasyndaǵy álem chempıony atandy
ASTANA. KAZINFORM - Aqmaral Erekesheva Bolgarııa astanasy Sofııa qalasynda ótip jatqan kórkem gımnastıkadan jasóspirimder arasyndaǵy álem chempıonatynda ekinshi márte altyn medal aldy.
Álem chempıonatynda jekeleı jattyǵýdaǵy fınaldyq kezeńi óz máresine jetti.
Qazaqstandyq gımnastshy Aqmaral Erekesheva týrnırdiń irikteý kezeńinde úsh saıys túrinen fınalǵa joldama alǵan edi. Olardyń barlyǵynda júldeger qatarynan kórindi.
Aqmaral doppen jáne lentamen jattyǵýda altyn medal alsa, sheńbermen jattyǵýda kúmis júldege ıe boldy.
Sondaı-aq, el quramasynan Aıǵanym Rysbek býlavamen jattyǵýda besinshi oryn aldy.
Aıta keteıik, Aqmaral Erekesheva el quramasynan kórkem gımnastıkadan jasóspirimder arasyndaǵy álem chempıonatynda jeńiske jetken sanaýly sportshynyń biri.