Aqmaral Erekesheva kórkem gımnastıkadan álem kýbogy kezeńinde qola júlde aldy
ASTANA. KAZINFORM – Qazaqstandyq gımnast Aqmaral Erekesheva Ázerbaıjannyń Baký qalasynda ótken álem kýbogy kezeńinde úshinshi oryn aldy.
Sportshy taspamen oryndalatyn jattyǵý túrinde qola medal ıelendi. Fınalda Erekesheva 27 upaı jınady.
Jarystyń jeńimpazy Germanııadan kelgen Darıa Varfolomeeva boldy, onyń upaıy 28,800-di qurady. Ekinshi oryndy Italııa sportshysy Sofııa Raffaelı 28,500 upaımen ıelendi.
Sonymen qatar Erekesheva shyǵyrshyqpen oryndalatyn jattyǵýdyń fınalynda óner kórsetip, 6-orynǵa ıe boldy, onyń jınaǵan upaıy – 27,950.
Kópsaıystyń qorytyndysy boıynsha Aqmaral Erekesheva ondyqqa endi, jalpy esepte 10-orynǵa turaqtady.
Eske sala keteıik, buǵan deıin kórkem gımnastıkadan álem kýbogy kezeńine qatysatyn Qazaqstan quramasy anyqtalǵanyn jazǵan edik.
