Aqmaral Erekesheva kórkem gımnastıkadan álem chempıonatynda altynshy oryn aldy
ASTANA. KAZINFORM — Germanııanyń Frankfýrt-na-Maıne qalasynda kórkem gımnastıkadan álem chempıonaty ótip jatyr. Jarys aıasynda jekeleı kópsaıystyń fınaly aıaqtaldy.
Bul kezeńde Qazaqstan quramasynyń namysyn Aqmaral Erekesheva qorǵady. Tórt jattyǵýdyń qorytyndysy boıynsha qazaqstandyq gımnast 115,800 upaı jınap, qorytyndy esepte altynshy orynǵa ıe boldy.
Jarysta Germanııa ókili Darıa Varfolomeev 119,500 upaımen jeńiske jetti. Kúmis júldeni Bolgarııa ókili Stılıana Nıkolova (117,600) ıelense, ıtalııalyq Sofııa Raffaelı 117,550 upaımen úzdik úshtikti túıindedi.
Aıta keteıik, Aqmaral Erekeshevanyń Frankfýrttaǵy jarysy munymen aıaqtalmaıdy. 16 tamyzda ol shyǵyrshyq jáne taspamen oryndalatyn jattyǵýlardyń fınalynda óner kórsetedi.
Erekesheva úshin bul álem chempıonaty — eresekter arasyndaǵy alǵashqy álemdik doda.
Eske salaıyq, buǵan deıin Aqmaral Erekesheva Germanııadaǵy álem chempıonatynda úsh fınalǵa joldama alǵanyn habarlaǵanbyz.
