Aqmaral Erekesheva Italııadaǵy álem kýbogy kezeńinde úzdik ondyqqa endi
ASTANA. KAZINFORM – Italııanyń Mılan qalasynda kórkem gımnastıkadan Álem kýbogynyń kezeńi aıaqtaldy.
Jekeleı synda Qazaqstan quramasynyń namysyn Aqmaral Erekesheva men Aıbota Ertaıqyzy qorǵady.
Qazaqstan quramasy sapyndaǵy eń úzdik nátıjeni Aqmaral Erekesheva kórsetti. Ol shyǵyrshyqpen oryndalatyn jattyǵýda 13-orynǵa, doppen oryndalatyn jattyǵýda 18-orynǵa, shyǵyrshyqpen oryndalatyn jattyǵýda 15-orynǵa ıe boldy. Kópsaıys qorytyndysynda 11-orynnan kórinse, urshyqtarmen oryndalatyn jattyǵýda toǵyzynshy nátıje kórsetti.
QR UOK málimetinshe, Aıbota Ertaıqyzy kópsaıysta 32-orynǵa turaqtady. Ol lentamen jattyǵýda 12-oryn, doppen jattyǵýda 22-oryn, shyǵyrshyqpen jattyǵýda 35-oryn, al shoqparmen jattyǵýda 63-oryn aldy.
Sondaı-aq álem kýbogynyń bul kezeńinde Qazaqstan toptyq jattyǵýlarda da óner kórsetti. Kópsaıys nátıjesi boıynsha ulttyq qurama 15-orynǵa turaqtady. Bes doppen oryndalǵan jattyǵýda qazaqstandyq gımnastar 19-orynǵa ıe bolsa, úsh shyǵyrshyq jáne urshyqtarmen oryndalǵan jattyǵýda 12-nátıje kórsetti.
Aıta keteıik, Sonıa Jıenbaeva álemdik reıtıngide 26 satyǵa joǵarylady.
