Aqmaral Erekesheva Ispanııanyń klýbtyq chempıonatynda qos júldege ıe boldy
QARAǴANDY. KAZINFORM – Kórkem gımnastıkadan Qazaqstan quramasynyń ókili Aqmaral Erekesheva Ovedo qalasynda ótken Ispanııanyń klýbtyq chempıonatynda eki medal jeńip aldy. Qazaqstandyq gımnast halyqaralyq týrnırde eki ret qola júldege ıe boldy.
Erekesheva shyǵyrshyqpen jattyǵýda 29.700 upaı jınady. Al lentamen óner kórsetýde tóreshiler qazaqstandyq sportshyǵa 27.600 upaı berdi.
Aıta keteıik, quramynda Aqmaral Erekesheva óner kórsetken «Gimnasia Chiclana» klýby jalpy esepte tórtinshi oryn aldy.
Eske sala keteıik, osyǵan deıin sporttyq gımnastıkadan Azııa chempıonatynda Qazaqstan namysyn kimder qorǵaıtynyn jazǵan edik.
