Aqmaral Erekesheva Chehııadaǵy Gran-Prıdiń kúmis júldesine ıe boldy
ASTANA. KAZINFORM - Kórkem gımnastıkadan jasóspirimder arasynda álem chempıony, eresekter arasyndaǵy álem chempıonatynda óziniń jaqsy qyrynan kórsete bilgen Aqmaral Erekesheva Grand Prix BRNO jarysynyń kópsaıysynda úzdik úshtikke endi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Otandasymyz óz mansabyndaǵy jeke rekordyn jańartyp, 116.500 (Frankfýrttaǵy álem chempıonatynda 115.800 upaı) upaı jınady.
1.Taısııa Onofrııchýk (Ýkraına) - 117.900 upaı
2.Aqmaral Erekesheva (Qazaqstan) - 116.500 upaı
3.Lılıana Levınska (Polsha) - 108.250 upaı Atalmysh doda 13 qyrkúıekke deıin jalǵasady.
Endi sportshymyz tórt baǵdarlama boıynsha jekeleı saıystyń fınalynda óner kórsetip, júldege talasady.
Aıta keteıik, Aqmaral Erekesheva Japonııanyń Aıchı prefektýrasy men Nagoıa qalasynda ótetin HH jazǵy Azııa oıyndarynda Qazaqstan quramasy sapynda baq synaıdy. Aıchı-Nagoıadaǵy kórkem gımnastıkanyń básekesi 1-3 qazanǵa josparlanǵan.
Aqmaral Erekesheva álem chempıonatynda TOP-5-ke kirgen bolatyn.
