Aqmaral Álnazarova ýaqyt beldeýin aýystyrý týraly: Kez kelgen memleket buǵan bara bermeıdi

ASTANA. KAZINFORM – Densaýlyq saqtaý mınıstri Aqmaral Álnazarova ýaqyt beldeýin aýystyrýǵa baılanysty pikir bildirdi.

«Osy máselege baılanysty Qazaqstandaǵy, halyqaralyq qandaı tájirıbeler bar, solardyń bárin zerttedik. Bul jerde bizdiń úlken ǵylymı ortalyqtar bar – Adam fızıologııasy ortalyǵy, Astrofızıka ortalyǵy degendeı. Negizgi sheshim ǵylymı turǵydan zerdelenip, dáleldengen aqparattarǵa súıene otyryp, sheshim jasaldy. Biz kútip otyrǵan aldaǵy nátıje halyqtyń densaýlyǵyna oń áserin tıgizedi dep bilemin. Sebebi adamdardyń ǵasyrlar boıy qalyptasqan bıologııalyq saǵattary bar. Sol bıologııalyq saǵat pen ákimshilik sattyń ekeýin teńestirýge barlyq memleket bara bermeıdi», - dedi ol bilim salasyn damytýǵa arnalǵan alqa májilisiniń aldynda.

Mınıstrdiń sózinshe, bul ýaqyttyń aýysýy adam densaýlyǵyna oń áser etý kerek.

«Bul bir jaǵynan azamattardyń densaýlyǵyna paıdaly áser etkenimen, keıbir jerlerde ekonomıkalyq turǵydan, jaryqqa baılanysty keıbir ózgerister kelýi múmkin. Biraq eń bastysy, memleketimiz osy máseleni halyqtyń densaýlyǵyn jaqsartý úshin qabyldap otyr. Sondyqtan memlekettiń bul sheshimin qoldaımyn», - dedi Aqmaral Álnazarova.