Akmal kontserti ótpeı qaldy: kórermender qarjysyn sot arqyly qaıtaryp aldy
ASTANA. KAZINFORM – Sotqa júginýge 2025 jylǵy 25 qazanda Qostanaı qalasynda ótýi josparlanǵan Akmal oryndaýshysynyń kontsertine bılet satyp alǵan azamattardyń kóptegen ótinishteri negiz boldy.
Saýda jáne ıntegratsııa mınıstrliginiń Soltústik Qazaqstan oblysy boıynsha Saýda jáne tutynýshylardyń quqyqtaryn qorǵaý departamenti tutynýshylardyń quqyqtaryn qorǵaý maqsatynda qabyldanǵan mańyzdy sot sheshimi týraly habarlaıdy.
Petropavl qalasynyń № 2 soty departamenttiń jeke kásipkerge qatysty tutynýshylardyń paıdasyna aqshalaı qarajat óndirý týraly talap aryzyn tolyq kólemde qanaǵattandyrdy.
Sotqa júginýge 2025 jylǵy 25 qazanda Qostanaı qalasynda ótýi josparlanǵan Akmal oryndaýshysynyń kontsertine bılet satyp alǵan azamattardyń kóptegen ótinishteri negiz boldy.
— Іs-sharanyń toqtatylýyna baılanysty jaýapker tutynýshylarǵa aqshany qaıtarý boıynsha mindettemelerin oryndamaǵan nemese tıisinshe oryndamaǵan (ishinara qaıtarǵan).
Іsti qaraý barysynda kóptegen tutynýshynyń tólengen qarajatty tolyq kólemde almaǵany anyqtaldy. Kásipkerge sotqa deıingi talap joldanǵanyna qaramastan, anyqtalǵan zań buzý joıylmaǵan, — delingen mınıstrlik habarlamasynda.
Tutynýshylardyń onnan astamynyń quqyqtary buzylǵanyn eskere otyryp, departament Qazaqstan Respýblıkasynyń qoldanystaǵy zańnamasyna sáıkes belgisiz tulǵalar tobynyń múddesin qorǵaý úshin sotqa júginý quqyǵyn iske asyrdy.
Qol jetkizilgen nátıje departament mamandarynyń úılesimdi ári júıeli jumysynyń arqasynda múmkin boldy, olar azamattardyń ótinishterin tıimdi qaraýdy jáne isti sot organdarynda tıisti súıemeldeýdi qamtamasyz etti.
Sot sheshimimen jaýapkerden jábirlenýshi azamattardyń paıdasyna 5 380 126 (bes mıllıon úsh júz seksen myń júz jıyrma alty) teńge óndirildi.
Aıta ketelik Astana men Almatyda Enrıke Iglesıastyń kontserti ótedi.
