Aqmádı Sarbasov qyzmetinen bosatyldy
ASTANA. KAZINFORM – Aqmádı Sarbasov basqa jumysqa aýysýyna baılanysty Eńbek jáne halyqty áleýmettik qorǵaý birinshi vıtse-mınıstri qyzmetinen bosatyldy. Bul týraly QR Úkimetiniń baspasóz qyzmeti habarlady.
– Qazaqstan Respýblıkasy Úkimetiniń qaýlysymen Aqmádı Ádiluly Sarbasov basqa jumysqa aýysýyna baılanysty QR Eńbek jáne halyqty áleýmettik qorǵaý birinshi vıtse-mınıstri qyzmetinen bosatyldy, - delingen habarlamada.
A.Sarbasov 1977 jyly Batys Qazaqstan oblysynda dúnıege kelgen.
Ál-Farabı atyndaǵy Qazaq ulttyq ýnıversıtetin jáne Eýrazııa gýmanıtarlyq ýnıversıtetin támamdaǵan.
Eńbek jolyn 1994 jyly bastady. Túrli jyldary QR Ádilet mınıstrliginiń, QR Eńbek jáne halyqty áleýmettik qorǵaý mınıstrliginiń qurylymynda jumys istedi.
2017 jyldan 2019 jylǵy sáýir aıyna deıin — QR EHÁQM Eńbek, áleýmettik qorǵaý jáne kóshi-qon komıtetiniń tóraǵasy — QR bas memlekettik eńbek ınspektory.
2019 jylǵy sáýir aıynan QR Eńbek jáne áleýmettik qorǵaý vıtse-mınıstri bolyp eńbek etti.
2020 jyly maýsymda QR Eńbek jáne halyqty áleýmettik qorǵaý birinshi vıtse-mınıstri bolyp taǵaıyndaldy.