Aqqýly turǵynynan tirkelmegen myltyqtar tárkilendi - Pavlodar oblysy
PAVLODAR. QazAqparat - Aqqýly aýdany turǵynynan tirkelmegen myltyqtar tárkilendi7 Atalǵan fakti boıynsha ballıstıkalyq saraptama taǵaıyndaldy, dep habarlaıdy QazAqparat Pavlodarnews.kz-ke silteme jasap.
Oblystyq PD baspasóz qyzmetiniń málimetinshe, onyń nátıjesi boıynsha protsessýaldyq sheshim qabyldanatyn bolady.
- Tirkelmegen qarýdy Aqqýly aýdanynyń turǵyny óz úıinde saqtaǵan. Bul - TOZ-34R markaly tegis uńǵyly myltyq jáne IJ-58 tegis uńǵyly oıyq myltyq. Krımınaldyq polıtsııa qyzmetkerlerimen qarýlar tárkilendi, - dedi Aqqýly aýdanynyń polıtsııa bóliminiń bastyǵy Tasqyn Bodıev.
Eske sala keteıik, 17 mamyr - 17 maýsym aralyǵynda Pavlodar oblysynyń aýmaǵynda «Qarý» jedel aldyn alý is-sharasy ótkiziledi.Sharanyń maqsaty - qarý men jarylǵysh zattardy, jarylǵysh qurylǵylardy qoldaný arqyly jasalatyn qylmystardyń aldyn alý jáne ashý, qarýdy zańsyz aınalymnan alyp tastaý.
