Aqqýdy atqan Astana turǵynyna 360 myń teńge aıyppul salynbaq
Komıtettiń SQO aýmaqtyq ınspektsııasy keltirgen derekterge sáıkes, 27 qyrkúıek kúni shamamen tańǵy 8-de SQO Mámlıýt aýdanynyń Mámlıýt sý qoımasynda suńqyldaq túrine jatatyn úsh aqqý zańsyz atylǵan.
«Quqyqbuzýshylyq faktisi boıynsha Astana qalasynyń turǵyny, 1987 jyly týǵan A.I. Pımonenko ustalǵan. Kúdiktiden Magným myltyǵy men onyń oq-dárileri, «Nıssan Mýrano» markaly avtokólik tárkilendi. Atalǵan fakt SQO Mámlıýt aýdanyndyq ІІB-inde tirkeldi. QR Qylmystyq Kodeksiniń 337-baby, 1-bóligi boıynsha qylmystyq is qozǵaldy. Aldyn ala boljam boıynsha keltirilgen shyǵyn kólemi - 360 750 teńge», - dep jazdy QR AShM Orman sharýashylyǵy jáne janýarlar dúnıesi komıteti.
Komıtettiń habarlaýynsha, árbir aqqýǵa jasalǵan zaqym úshin 50 AEK (1 AEK - 2 405 teńge) kóleminde aıyppul qarastyrylǵan.