Aqqubalar 200 jyldan keıin joıylyp ketýi múmkin
ASTANA. 2 maýsym. QazAqparat - Ǵalymdardyń aıtýynsha, taza aqqubalar jyl saıyn azaıyp keledi jáne 200 jyldan keıin olar múldem joıylyp ketýi múmkin, dep habarlaıdy «Ýtro.rý».
Ǵalymdardyń esepteýi boıynsha taza aqqubalar ómirde az bolyp keledi, olardyń esebi boıynsha 2202 jylǵa deıin aqqubalar jer betinen múldem joǵalyp ketedi. Sońǵy 50 jyl ishinde búkil jer sharynyń turǵyndarynyń jalpy sanynan aqqubalar sany 49 paıyzdan 14 paıyzǵa deıin qysqardy. Onyń sebebi birneshe: birinshiden, bala aqquba bolyp týylýy úshin, onyń ata-anasynyń shashtary aqshyl bolýy kerek. Ekinshiden, qara shashqa ıe elderdiń halqy udaıy ósýde, al eýropalyqtar - nemister, skandınavtyqtar, reseılikter «aqquba genin» tasymaldaýshylar kóbinde bir balamen ǵana shekteledi. Aqshyl shashy bar sońǵy adam Fınlıandııada dúnıege keledi degen tujyrym bar, óıtkeni onda aqshyl shashy bar adamdar kóp kezdesedi.
Alaıda, shotlandııalyq ǵalym Djonatan Rıs aqqubalar múldem joıylyp ketpeıdi, tek úles salmaǵy azaıyp otyrady degen pikir bildirdi. Bir qyzyǵy, qara násildiler arasynda da shashtary «blondın» tústiler kezdesedi eken. Máselen, Solomon araldarynda turatyn áıelderdiń 10%-y - «sary shashtylar».
