Aqqý qyrylǵan kólge kir sý tókken Rixos Aktau qonaq úıi tekseriledi
AQTAÝ. KAZINFORM — Mańǵystaý oblysynyń ekologııa departamenti Qarakól kóline aǵyndy sý tógý faktisi boıynsha Rixos Water World Aktau-ǵa qatysty jospardan tys tekserý júrgizedi.
Departament mamandarynyń taldaýy nátıjesinde lastaýshy zattardyń kólemi ruqsat etilgen kontsentratsııadan artyq ekeni anyqtaldy.
Sonymen qatar, Qarakólde aqqýlardyń jappaı qyrylýy boıynsha tógindi áseriniń qatysy bar-joǵyn tolyq zertteý úshin Almaty qalasynan ornıtolog-mamandar shaqyryldy.
«Tekserý qorytyndysy boıynsha tıisti ınspektorlyq den qoıý sharalary qabyldanady jáne ákimshilik is qozǵalady» dep habarlady Ekologııa jáne tabıǵı resýrstar mınıstrligi.
Esterińizge sala keteıik, 2022 jyly Rixos WaterWorld Aktau osyǵan uqsas zańbuzýshylyq úshin jaýapqa tartylyp, 76 mln teńge kóleminde aıyppul tólegen bolatyn.
Eske sala keteıik, Mańǵystaýda 1 mynńan astam aqqý qyrylyp, qustardyń óleksesi joıyldy.
Aldyn ala málimet boıynsha, aqqýlardyń jappaı qyrylýy qus tumaýynan bolǵan.
Keıin Qarakólge Rixos-ten tógiletin qaldyq sýdyń qanshalyqty las ekeni jarııalandy.
