«Aqqý-Gákký» ázil-syqaq otaýynyń prodıýseri Ázimhan Berdalynyń mereıtoılyq keshi ótedi

«Almaty» kontsert zalynda bolatyn bul sharany «Murager» prodıýserlik ortalyǵy uıymdastyryp otyr. Oǵan «Aqqý-Gákký», «Mafııa men Taqııa», «Kúlki jármeńkesi», «Beımaral» teatrlary men Tuńǵyshbaı Jamanqulov, Nurjan Tutov sııaqty teatr sańlaqtary qatysady. Sondaı-aq bul keshti Shahızada, Baqyt Shadaeva, Jeńis Ysqaqova, Sembek Jumaǵalıev jáne Arý, «Kaspıı» toptary ánmen áspettep, sıqyrshy Baltabek pen Raısa Jumaǵulovtardyń uly Oljas Baltabekuly óz ónerimen tańqaldyrmaq.

Ázimhan Berdaly Danagúl Temirsultanova, Gúlbaýshan Tereýbekova jáne Asqar Naımantaevtardyń basyn qosyp «Aqqý - Gákký» teatryn qurǵan prodıýser. Ol buǵan deıin «Tamasha» oıyn-saýyq otaýynda 20 jyl dırektor bolyp jumys jasaǵan bolatyn.