Akkredıtteý sýbektileriniń qyzmetine monıtorıng júrgizý qaǵıdalaryna ózgerister endi
ASTANA. KAZINFORM – Saýda jáne ıntegratsııa mınıstrligi akkredıtatsııa sýbektileriniń qyzmetine monıtorıng júrgizý qaǵıdalaryna ózgerister engizdi. Bul ózgertýler ashyqtyqty arttyrýǵa, ákimshilik júktemeni azaıtýǵa jáne bıznes pen memleket arasyndaǵy senimdi nyǵaıtýǵa baǵyttalǵan.
Engizilgen ózgerister:
– sýbektiniń ótinishi boıynsha qujattardy usyný merzimin +5 jumys kúnine uzartý;
– monıtorıng nátıjeleri boıynsha mindetti derektemeleri bar qorytyndyny resimdeý;
– akkredıtteý organy saıtynda toqsan saıyn statıstıka men tekserilgen sýbektiler tizimin kórsete otyryp jarııa eseptilik júrgizý;
– ákimshilik quqyq buzýshylyq belgileri bolǵan jaǵdaıda ǵana materıaldardy ýákiletti organǵa berýdi qamtıdy.
Atalǵan ózgerister memleket pen bıznestiń ózara is-qımylynyń ashyqtyǵyn, ıkemdilik jáne akkredıtatsııa júıesine qatysýshylardyń múddelerin eskerýge múkindik beredi. Bul rásimderdiń ashyqtyǵyn arttyrýǵa, akkredıttelgen uıymdar úshin táýekelderdi azaıtýǵa jáne akkredıtteý organy men sýbektiler arasyndaǵy ózara is-qımyldy nyǵaıtýǵa baǵyttalǵan.
Ózgerister 2025 jyldyń 8 tamyz aıynan bastap kúshine enedi.
Buǵan deıin Saýda jáne ıntegratsııa mınıstrligi birinshi jartyjyldyqqa arnalǵan saýda salasyndaǵy negizgi kórsetkishterdi jarııalady.