Aqkólde zamanaýı qonaq úı-emdeý-saýyqtyrý kesheni salynýda
Aqkól aýdany ákiminiń baspasóz qyzmeti habarlaǵandaı, apartamentteri bar qonaq úı-emdeý-saýyqtyrý kesheni Aqkól shetindegi orman alqabyndaǵy ásem tabıǵat aıasynda ornalasatyn bolady.
«Jospar boıynsha munda tórt korpýs bolady, olardyń árqaısysy 50 demalýshyǵa arnalǵan, oǵan qosa jospar boıynsha birneshe kottedj salý qarastyrylǵan», - dep bólisti vedomstvodan.
Jobanyń tapsyrys berýshisi – «Sirius Plus» JShS, bas merdiger – «Trend Construction» JShS. Jobanyń birinshi kezegi boıynsha jalpy somasy-1 mıllıard 782 mıllıon teńgeni (kompanııanyń menshikti qarajaty) qurady.
Joba boıynsha qurylystyń birinshi kezeńinde 5 qabatty ǵımaratty salý josparlanǵan. Onda qabyldaý bólmesi, meıramhanalar, tehnıkalyq jáne ákimshilik aımaqtar, standartty páterler men lıýks páterler, monsha kesheni, 10 oryndyq turaq, ótkizý pýnkti, oıyn alańy jáne barbekıý aımaǵy ornalasady.
Budan bólek, qonaq úı nómirleri bar saýyqtyrý kesheni men ashyq basseıni bar saýyqtyrý SPA-kesheninen basqa, jobaǵa oqý ortalyǵy, pıtomnıgi bar jylyjaı kesheni, at klýby, jasandy toǵan, demalys aımaǵy da oryn tebedi.
«Keshen aýmaǵynda qala turǵyndarynyń demalýyna qajettiniń barlyǵy qarastyrylady», - dep tolyqtyrdy vedomstvodan.
Qurylystyń birinshi kezegi 2022 jyldyń birinshi toqsanynda aıaqtalady. Al, tolyqtaı 2025 jylǵa qaraı tapsyrylýy tıis.
