Aqkólde 11 jasar balany qaǵyp ketken júrgizýshi bar kináni balaǵa jappaq boldy
KÓKShETAÝ. QazAqparat - Aqkól polıtseıleri «Smart Aqkol-2018» beınebaqylaý kamerasyndaǵy beınejazbanyń kómegimen jasóspirimdi kóligimen soqqan júrgizýshiniń kinásin dáleldedi, dep habarlaıdy QazAqparat tilshisi Aqmola oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, 2020 jylǵy qarashanyń 26-da Aqkól aýdanynyń PB kezekshi bólimine aýdandyq ortalyq aýrýhananyń medbıkesi habarlasyp, «jabyq bas-mı jaraqty, oń jambas býynynyń soqysy, sol qoldyń 3 saýsaǵynyń baılamdarynyń zaqymdanýy» dıagnozymen 11 jasar balanyń jetkizilgenin aıtqan.
«Anyqtalǵandaı, Aqkól qalasynyń Nurmaǵambetov kóshesi boıymen júrip kele jatqan «Volkswagen Passat» kóliginiń 35 jastaǵy júrgizýshisi joldyń rettelmeıtin jaıaý júrginshiler jolynda jasósipirimdi qaǵyp ketken», - deıdi vedomstvodan.
Jol-kólik oqıǵasyna kináli júrgizýshiniń aıtýynsha, bala áýeli kólikti ótkizip jibermek bolyp toqtaǵan. Alaıda, keıin qozǵalysyn qaıta jalǵastyrǵan. Sol kezde ol (júrgizýshi) kóliktiń tejegishin basyp úlgermegen.
Degenmen, «Smart Aqkol-2018» beınebaqylaý kamerasyndaǵy beınejazbany teksere kele tártip saqshylary júrgizýshiniń jaıaý júrginshige jol berýge tyryspaǵanyn anyqtady.
«Atalǵan oqıǵa boıynsha tártip saqshylary júrgizýshige qatysty Ákimshilik quqyq buzý kodeksiniń 610-baby 2-bóligi boıynsha ákimshilik hattama toltyrdy» dep tolyqtyrdy vedomstvodan.
