Aqkól qalasynyń turǵynynan 4 tsentnerge jýyq kóknár tárkilendi
KÓKShETAÝ. QazAqparat - Aqkól qalasynyń turǵynynan 385 keli keptirilmegen jáne oǵan qosa 7 keli keptirlgen kóknár tárkilendi. Bul týraly oblystyq ІІD baspasóz qyzmetinen habarlady.
Polıtseılerdiń málimeti boıynsha tamyzdyń 16-y kúni esirtki bıznesimen kúres boıynsha bólimshe qyzmetkerleri júrgizgen «Kóknár-2016» arnaıy operatsııa barysynda 50 jastaǵy Aqkól qalasynyń turǵyny qolǵa túsken. Tekseris barysynda kúdikti úı aýlasynda quramynda esirtkisi bar ósimdik ósirgeni anyqtalyp, 14 084 túp kóknár, oǵan sharýashylyq qurylystary arasynan taǵy qosymsha 936 túp kóknár tárkilendi.
Sonymen qatar, prolıtseıler sómke, karton qorap jáne qapqa salynǵan keptirilgen kóknár tárkiledi.
Buryn sotty bolǵan kúdikti osynshama kóknárdi ózi paıdalaný úshin ósirgenin aıtyp túsindirýde. Qazirgi kezde kúdiktiniń ústinen QR QK 300 babynyń 2 bólimi boıynsha qylmystyq is qozǵaldy.
Saraptama nátıjesi boıynsha tárkilengen zattar 385 keli 700 gramm keptirilmegen kóknár jáne 7 keli 025 gramm keptirilgen kóknár sabaǵy ekeni anyqtalyp otyr.
