Aqkól aýdanynan Uly Otan soǵysyna attanǵandar týraly kitaptyń tanystyrylymy boldy - Aqmola oblysy
Týyndynyń avtory - «Uzaq jasaýshylar» klýbynyń prezıdenti Raısa Shıpılova.
Uly Otan soǵysynyń 70 jyldyǵy qarsańynda basylyp shyqqan kitapqa negizinen «Znamıa Rodıny», «Aqkól ómiri», «Znamıa Rodıny KZ» sııaqty aýdandyq gazetterde ár kezderi jaryq kórgen maqalalar toptastyrylǵan.
Jınaq Uly Otan soǵysynyń ardageri, otstavkadaǵy polkovnık Mıhaıl Kýlıkov jaıynda ocherkpen bastalady. Óıtkeni, osy kisiniń bastamasymen ótken ǵasyrdyń 80 jyldardyń sońynda Aqkól aýdanynda Uly Otan soǵysyna qatysýshylar men tyl eńbekkerleriniń erligin keler urpaqqa jetkizý baǵytynda maqsatty jumystar qolǵa alynǵan bolatyn. Sol kezde Raısa Shıpılova MıhaılAfanasevıchtiń kómekshisi bolǵan edi. Ekeýi 5 jyl boıy gazet betterin aqtaryp, derekterdi zerttegen jáne de kóne kóz kýágerlerdiń sózderin jazyp alǵan.
Alǵashqy shyǵarma qan maıdanda mert bolyp, habarsyz ketken soldattar týraly 1994 jyldyń 1-shi jeltoqsanynda jaryq kórgen bolatyn. Mine endi sonyń jalǵasy retinde «Aqkóldikter maıdanda, tyl da jáne búgingi ómirde» atty jınaq kitabynyń tusaýy kesilip otyr.
Kitap avtorynyń aıtýynsha, ár zaman óziniń batyrlaryn dúnıege ákeledi. Olardyń jasaǵan erlikteri men eldik isterin, basynan keshken oqıǵalaryn umytý múmkin emes.
«Týyndyda negizinen UOS kezindegi, tyldaǵy jáne aqkóldikterdiń qazirgi kezdegi tynys-tirshilikteri qamtylǵan. Aldaǵy ýaqytta Aýǵan soǵysyna qatysqan aqkóldikter jaıly estelik kitap jazý da josparda bar», - deıdi Raısa Shıpılova.