Ákki alaıaq Astana turǵyndarynyń 17 mln teńgesin qoldy etken
ASTANA. QazAqparat - Azamattardyń senimine kirip, alaıaqtyq jolmen iri kólemdegi qarajatty ıemdengen 35 jastaǵy áıelge qatysty sotqa deıingi tergeý jumystary júrip jatyr, dep habarlaıdy Astana ІІD baspasóz qyzmeti.
«Qazaqstannyń birneshe óńirinde balalar úılerine taýar jetkizý boıynsha tenderge qatysamyn degen syltaýmen azamatsha J. alaıaqtyq jolmen azamattardy aqsha aýdarýǵa úgittegen. Azamattardy aldaý arqyly alynǵan soma 500 myńnan 17 mln teńgege deıin jetedi. Budan bólek, ol salynǵan somaǵa baılanysty azamattarǵa aı saıyn protsentter (10-20%) tóleýge ýáde etken», - delingen habarlamada.
Qazirgi tańda polıtsııa qyzmetkerleri QR QK 190-baby «alaıaqtyq jasaý» boıynsha sotqa deıingi tergeý jumystaryn júrgizip jatyr. Polıtsııaǵa alaıaqtyq faktisi boıynsha 15 adam shaǵym túsirgen. Á
Osy azamatshanyń alaıaqtyq áreketinen zardap shekkenderden Jansúgiruly, 2 mekenjaıyndaǵy «Almaty» aýdandyq ІІB-ge nemese myna telefondarǵa habarlasýyn suraıdy: 716710, 716800, 716826, 87022680008, 87754000058, 87752388823.
