«Aqkent» turǵyn úı keshenindegi órtten zardap shekkenderdiń jaǵdaıy jaqsaryp keledi – dárigerler
ALMATY. QazAqparat - Almaty qalalyq qoǵamdyq densaýlyq saqtaý basqarmasy «Aqkent» turǵyn úı kesheninde bolǵan órt saldarynan zardap shekken turǵyndardyń jaǵdaıyn málim etti, dep habarlaıdy QazAqparat tilshisi.
Buǵan deıin órt saldarynan barlyǵy 49 adam zardap shekken, onyń ishinde eki eresek adamnyń №7 qalalyq klınıkalyq aýrýhanaǵa jatqyzylǵanyn habarlaǵanbyz.
«Eki naýqastyń jaǵdaıy birqalypty, reanımatsııadan bólimge aýystyryldy. Barlyq qajetti medıtsınalyq kómekti tolyq kólemde kórsetilip jatyr», - dep habarlady vedomstvodan.
Túrli dene jaraqatyn alǵan 15 balanyń 9-y balalarǵa jedel jáne shuǵyl kómek kórsetý ortalyǵynda, 6 bala №2 balalar klınıkalyq aýrýhanasyna túsken edi. Olardyń biri reanımatsııa jáne qarqyndy terapııa bólimine tústi.
«Reanımatsııadan shyqqan bala toksıkologııa bólimine aýystyryldy. Qalǵandarynyń jaǵdaıy jaqsaryp keledi. Úsh naýqasty erteń, jaǵdaılary turaqty bolǵan jaǵdaıda taǵy úsheýin osy senbide shyǵarǵaly otyrmyz», - dep tolyqtyrdy vedomstvodan.
Eske salsaq, 1 tamyzda Almatydaǵy «Aqkent» shaǵynaýdanynda 16 qabatty kópqabatty úıde órt shyǵyp, nátıjesinde barlyǵy 49 adam zardap shegip, bir áıel alǵan jaraqatynan qaıtys boldy.
