ÁKK-lardyń aktıvterin tıimdi paıdalaný óńirlerdiń damýyna kómektese alady - B. Jámishev
qpannyń 4-i. QazAqparat /Ernur Aqanbaı/ - Áleýmettik kásipkerlik korporatsııalardyń (ÁKK) aktıvterin tıimdi jáne utymdy paıdalaný respýblıka óńirleriniń jáne shaǵyn jáne orta bıznestiń damýyna kómektese alady. Bul jaıynda Qarjy mınıstrliginiń búgingi keńeıtilgen alqa májilisinde mınıstr Bolat Jámishev aıtty,
dep habarlaıdy QazAqparat.
Onyń aıtýynsha, ákimderdiń áleýmettik-ekonomıkalyq damýdyń jaǵdaıyna jáne tıisti aýmaqta memlekettik saıasatty júrgizýdi qamtamasyz etýge jaýaptylyǵyn eskere otyryp, ÁKK-lerdi bólý arqyly qaıta qurý qajet jáne aýmaqtyq tándigin negizge ala otyryp olardyń aktıvterin bólý kerek. «Osyǵan baılanysty Indýstrııa jáne saýda mınıstrligi Ekonomıka jáne bıýdjettik josparlaý mınıstrligimen birlesip, Prezıdenttiń Joldaýynda aıtylǵan tapsyrmalaryn eskere otyryp ÁKK-lerdiń maqsattaryn, mindetterin, olardyń qyzmetindegi biryńǵaı ádisterdi anyqtaýy qajet», dedi B. Jámishev.
Onyń aıtýynsha, Premer-Mınıstrdiń tapsyrmasyna sáıkes, memlekettiń aıtarlyqtaı aktıvteri salynǵan shaǵyn bıznestiń qatysýymen júzege asyrylyp jatqan jobalardyń artyqshylyǵyn saqtaý jóninde jumystar júrgizilýde. «Atalmysh jobalardy júzege asyrý jáne tapqan paıdany ÁKK-ler jumys jasaıtyn aýmaqtardaǵy halyqtyń áleýmettik, ekonomıkalyq nemese mádenı maqsattaryn júzege asyrý úshin qaıtadan ınvestıtsııalaý ÁKK-lerdiń negizgi mindeti bolyp qalýy tıis», dedi mınıstr.
