ÁKK-lar álemdik úzdik tájirıbege sáıkes keletin zamanaýı standarttardy belsendi engizýleri qajet - Ekonomıkalyq damý jáne saýda mınıstri
ASTANA. 16 qazan. QazAqparat - Áleýmettik-kásipkerlik korporatsııalar korporatıvtik basqarý bóliginde álemdik úzdik tájirıbege sáıkes keletin zamanaýı standarttardy belsendi engizýleri qajet.
Bul týraly búgin Úkimettiń selektorlyq rejimdegi otyrysynda QR Ekonomıkalyq damý jáne saýda mınıstri Erbolat Dosaev málim etti.
Mınıstrdiń atap ótýinshe, ÁKK-lardyń qaǵıdattary bızneske járdemdesýge basqa da qatysýshylarmen áriptestik (mysaly, qarjylyq quraldardy qosarlaý boıynsha damý ınstıtýttarmen), ınvestıtsııalardy jáne de shyǵyndardy belsendi basqarý bolýy qajet.
«Óz aldyna ákimdikter keıin ońaltý (saýyqtyrý), qaıta qurylymdaý jáne olardyń negizinde jańa básekege qabiletti óndiristerdi damytý úshin qyzmeti kommertsııalyq baǵdarlanǵan sıpattaǵy barlyq memlekettik aktıvterdi kezeń-kezeńmen berýi tıis»,- dedi ol.
Sondaı-aq E.Dosaevtyń sózine qaraǵanda, ÁKK-lar korporatıvtik basqarý bóliginde álemdik úzdik tájirıbege sáıkes keletin zamanaýı standarttardy belsendi engizýleri kerek. «Bul kompanııanyń tıimdiligin qamtamasyz etýge jáne ashyqtyǵyn arttyrýǵa múmkindik beredi»,- dedi mınıstr.
