Akıs Vavalıs «Jeńistiń» bas bapkeri qyzmetinen ketti

ASTANA. KAZINFORM - «Jeńis» fýtbol klýbynyń bas bapkeri Akıs Vavalıs qyzmetinen ketti.

Bul jóninde komandanyń baspasóz qyzmeti málim etti. 

- Kelisimshart bas bapkerdiń bastamasymen otbasylyq jaǵdaıǵa jáne otanyna qaıtý qajettiligine baılanysty buzyldy. Biz Akıske komandada atqarǵan jumysy úshin, Premer-lıgadaǵy ornymyzdy saqtap qalǵany úshin, Lıga Kýbogynyń fınalyna shyqqany úshin alǵys aıtamyz. Oǵan aldaǵy mansabyna sáttilik tileımiz,- dep jazylǵan habarlamada. 

«Jeńis» bıylǵy birinshilikti sátsiz ótkizip keledi. Qazir týrnır kestesinde bes upaımen onynshy orynda keledi.

Akıs Vavalıs elordalyq komanda tizginin 2024 jyldyń mamyr aıynda ustaǵan edi. Ol bapkerlik mansabyn 2011 jyly Grekııa sýperlıgasynda «Panserraıkos» klýby bas bapkeriniń kómekshisi retinde bastady. 

Odan keıin grekııalyq birqatar komandalarda eńbek etti. Sondaı-aq, shvetsııalyq «Vasalýnds», bolgarııalyq «Krýmovgrad» komandalarynyń bas bapkeri boldy.

Budan buryn ol Kosovo sýperlıgasynda oınaıtyn «Drıta» klýbynyń tizginin ustady. Komanda aıalǵan mamannyń jetekshiligimen 16 match oınady. Chempıonatta kezdesý jáne ÝEFA

Konferentsııa lıgasynyń irikteý kezeńinde 2 oıyn ótkizdi. Nátıjesinde 7 márte jeńiske jetip, 4-de teń tússe, 3-de jeńilis tapty.

Eske salsaq, budan buryn Premer-lıgada birqatar komanda bas bapkerleri qyzmetinen ketti.

Olardyń qatarynda Konstantın Gorovenko «Atyraý», Igor Leonov «Aqtóbe», Aleksandr Brazevıch «Qyzyljar» klýbtarymen qosh aıtysty.