Aqyn Nesipbek Aıtuly dúnıeden ozdy
Belgili aqyn, memlekettik syılyqtyń laýreaty Nesipbek Aıtuly 73 jasynda dúnıeden ótti, dep habarlaıdy Kazinform.
Nesipbek Aıtuly 1950 jyly Shyǵys Túrkistannyń Tarbaǵataı aımaǵynda týǵan. Aqyn, memlekettik syılyqtyń laýreaty, Qazaqstannyń eńbek sińirgen qaıratkeri, «Parasat» ordeniniń ıegeri. Tańdamaly jeti tomdyǵy «Folıant» baspasynan jaryq kórgen epık aqyn.
Eńbek jolyn Shubartaý aýdandyq «Jańa ómir» gazetinde bastady. 1974 jyly Qazaq memlekettik ýnıversıtetiniń jýrnalıstıka fakýltetin bitirgen.
1974-1984 jj. «Baldyrǵan» jýrnalynyń poezııa bóliminiń meńgerýshisi, «Jalyn» baspasynda redaktor. 1984-1994 jj. Qazaqstan Jazýshylar odaǵynda ádebı keńesshi. 1995-1996 jj. «Aqyn» qaýymdastyǵynyń dırektory. 1997-2001 jj. «Qazaq ádebıeti» gazetinde syn bóliminiń, «Juldyz» jýrnalynda poezııa bóliminiń meńgerýshisi.
2001 jyldan bastap Astana qalasyna kóship, L.N.Gýmılev atyndaǵy Eýrazııa ulttyq ýnıversıtetinde, Prezıdenttik Mádenıet ortalyǵynda qyzmet istegen.
Qazaqstan Jazýshylar odaǵynyń sekretarıat múshesi, Astana qalasyndaǵy S.Seıfýllın atyndaǵy murajaı dırektory.
Alǵashqy kitaby 1974 jyly «Qozykósh» degen atpen jaryq kórdi. «Júrektegi jańǵyryqtar», «Áke týraly syr», «Jańbyr áni», «Túndelep ushqan tyrnalar», «Rýhymnyń padıshasy», «Muqaǵalı-Jeltoqsan», «Báıterek», balalarǵa arnalǵan «Balabaqshaǵa barar jolda», «Jelkildep ósken quraqtaı», «Kúmis kúıme» («Serebrıanyı sýndýchok»), «Qartaımaıdy kún nege?» atty kitaptary, Shyǵystyń uly shaıyry Á.Naýaıdyń «Eskendir qorǵany», «Láıli-Májin» dastandaryn tárjimalap, «Igor joryǵy týraly jyr», taǵy basqa aýdarma kitaptary shyqqan. Túriktiń VІІ ǵasyrda ómir súrgen uly aqyny Júnis Emire, qytaıdyń kóne dáýir aqyny Bo Tsyzıýdyń, frantsýz aqyny DJ.Rodarıdyń, sondaı-aq M.Isakovskıı, A.Barto, S.Mıhalkov, S.Barýzdın, V.Berestov, T.Sydyqov, S.Jýsýev óleńderin týǵan tilimizde sóıletken.
«Báıterek»(2003), «Kóz jasym» tańdamaly (2006), «Bóritostaǵan» (2007), «Erlikke eskertkish» (2008), «Sardar» (2008), «Qulanoınaq» (2009), «Arqatirek» (2010), «Naýryzbaı» (2011), «Tý» (2012), «Saraıymnan shyqqan sóz» (2014), «Darıǵa, dáýren» (2018) jáne taǵy basqa kitaptary jaryq kórdi.
