Aqyn Bekjan Áshirbaev 52 jasqa qaraǵan shaǵynda dúnıeden ozdy
ASTANA. KAZINFORM – Aqyn, Qazaqstan Jazýshylar odaǵynyń múshesi, Qazaqstannyń eńbek sińirgen qaıratkeri, Halyqaralyq «Alash» ádebı syılyǵynyń ıegeri Bekjan Áshirbaev 52 jasqa qaraǵan shaǵynda dúnıeden ozdy, dep habarlaıdy Qazaqstan Jazýshylar odaǵynyń baspasóz qyzmeti.
Bekjan Tórebekuly Áshirbaev 1974 jyly Ońtústik Qazaqstan oblysy Maqtaaral aýdanynyń «Lenın joly» ujymsharynda dúnıege kelgen.
1996 jyly ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin úzdik bitirgen. Sol jyldan bastap atalǵan bilim ordasynda qyzmet atqaryp, jýrnalıstıka salasynda eleýli eńbek etti.
– Qazaqstan Jazýshylar odaǵynyń Basqarmasy marqumnyń týǵan-týysqandary men jaqyndaryna, qalyń oqyrman qaýymǵa qaıǵyryp kóńil aıtady, – delingen habarlamada.
Bekjan Áshirbaev ár jyldary Ál-Farabı atyndaǵy QazUÝ-dyń respýblıkalyq «Qazaq ýnıversıteti» gazetiniń bas redaktory, «Azamat.kz» qoǵamdyq-saıası aptalyǵy bas redaktorynyń birinshi orynbasary, «El men Jer» qoǵamdyq-saıası aptalyǵynyń bas redaktory, «Jas qazaq úni» gazeti bas redaktorynyń orynbasary, Qazaqstan Jazýshylar odaǵyna qarasty «Qazaq ádebıeti» gazeti bas redaktorynyń birinshi orynbasary qyzmetterin atqarǵan.
Ol Qazaqstan Jýrnalıster odaǵynyń múshesi boldy. Aqynnyń toptama óleńderi «Qazaq ádebıeti», «Juldyz», «Jas qazaq úni», «Azamat.kz», «Parasat» basylymdarynda jaryq kórdi.
2008 jyly «Jazýshy» baspasynan memlekettik tapsyrys aıasynda onyń «Qońyr áýen» óleńder kitaby jaryq kórdi. Sondaı-aq ol ózge de jyr jınaqtarynyń avtory.
Aıta keteıik, bıyl jazýshy Qabdesh Jumadilovtiń týǵanyna 90 jyl toldy.
