Aqyn, aýdarmashy Nurtas Isabaev ómirden ótti
ASTANA.KAZINFORM - Aqyn, aýdarmashy, Mádenıet qaıratkeri, Qazaqstan Jazýshylar odaǵynyń múshesi Nurtas Isabaev 72 jasqa qaraǵan shaǵynda dúnıeden ozdy. Qaraly habardy Qazaqstan Jazýshylar odaǵy baspasóz qyzmeti jarııalady.
Nurtas Ibragımuly Isabaev 1954 jyldyń 13 qarashada Qyzylorda oblysy Jańaqorǵan aýdanynda dúnıege kelgen.
Qazaqstan Jazýshylar odaǵy syılyǵynyń jáne Oraz Jandosov qory syılyǵynyń laýreaty. Mádenıet jáne aqparat mınıstrliginiń «Mádenıet qaıratkeri» tósbelgisimen marapattalǵan.
Qazaqstan Respýblıkasy Prezıdentiniń Memlekettik stıpendııasynyń ıegeri, «Qurmet» ordeniniń ıegeri.
Orta mektepti bitirgennen keıin eńbek jolyn aýdandyq gazette korrektor bolyp bastaǵan. 1982 jyly Máskeý qalasyndaǵy M.Gorkıı atyndaǵy Ádebıet ınstıtýtyn támamdaǵan. Nurtas Isabaevtyń alǵashqy jyr jınaǵy «Bastaý» 1980 jyly jaryq kórdi. Keıin «Ómirdi súıý» (1987), «Ulylyqpen syrlasý» (1990), «Qımaımyn seni» (1998), «Ómirge qushtarlyq» jáne basqa da poezııalyq kitaptary oqyrmanǵa jol tartty.
Aqynnyń birqatar óleńderi «Razbeg» atty orys tilindegi ujymdyq jınaqqa engen. Sonymen qatar orys aqyny Aleksandr Tvardovskııdiń shyǵarmalaryn qazaq tiline aýdaryp, ulttyq aýdarma salasynyń damýyna úlken úles qosty.
