Ákimshilik jaýapkershilikke tartylǵan «Tele2» 2 mln. teńgege jýyq aıyppul tóleıtin boldy
ALMATY. QazAqparat - «Tele2» operatory monopolııaǵa qarsy zańnamany buzǵany úshin ákimshilik jaýapkershilikke tartylyp, 1 852 000 kóleminde aıyppul tóleıtin boldy.
Almatydaǵy aýdanaralyq ákimshilik mamandandyrylǵan soty «Mobaıl Telekom-Servıs» JShS-ǵa 1000 AEK kóleminde aıyppul saldy. Bul týraly Qazaqstannyń Básekelestikti qorǵaý agenttiginiń baspasóz qyzmetinen habarlady.
Jaqynda agenttik «Mobaıl Telekom-Servıs» JShS-ǵa monopolııaǵa qarsy zańnamanyń buzylýyn anyqtaý maqsatynda tergeý júrgizgen bolatyn.
Atalǵan tergeý qorytyndysy boıynsha seriktestik qyzmetinde májbúrli assortımentpen taýar ótkizý sııaqty josyqsyz básekelestik faktileri anyqtaldy. Seriktestik iske qosylǵan nómirlerdi 120 kúnnen astam kún ishinde paıdalanbaǵany úshin abonentterden aqy alyp otyrǵan.
Kórsetilgen fakti boıynsha agenttik seriktestikke qatysty ákimshilik quqyqbuzýshylyq týraly is qozǵap, sondaı-aq monopolııaǵa qarsy zańnamany buzýdy toqtatý týraly nusqama shyǵardy.
Seriktestiktiń aqparaty boıynsha, agenttiktiń nusqamasyn oryndaý maqsatynda iske qosylǵan nómirlerdi paıdalanbaǵany úshin abonentterden kún saıyn alynǵan qarajat qazir abonentterge qaıtaryldy.
Almatydaǵy aýdanaralyq ákimshilik mamandandyrylǵan soty agenttiktiń «Mobaıl Telekom-Servıs» JShS-ǵa (Tele2) qatysty tergeý nátıjelerin qoldady.
